मानवअधिकार सञ्जालको निर्माण

धादिङ । मानवअधिकार, भूकम्पपछि मानबीय सहायता र पुननिर्माणका विषयमा छलफल वहस मानवअधिकार अनुगमन गरी सरोकारवालाहरुलाई सुझाव दिनका लागि जिल्ला स्तरमा १३ सदस्यीय मानवअधिकार संजालको निर्माण गरिएको छ ।

अनौपचारिक क्षेत्र सेवा केन्द्र (इन्सेक) प्रतिनिधि सीताराम अधिकारीको संयोजकत्वमा निमाण गरिएको मानवअधिकार सञ्जालमा नेपाल पत्रकार महासंघका अध्यक्ष नवराज छत्कुली, सहयात्री समाजका राधिका सापकोटा, वरिष्ट मानवअधिकारकर्मी रमेश अधिकारी, दलित सेवासंघका अध्यक्ष श्याम मगराती, रेडियो धादिङका स्टेशन म्यानेजर राजाराम शर्मा, दलित महिला संघका अध्यक्ष विमला नेपाली, अपाङ्ग महिला संघका सम्झना रिजाल, समग्र विकास सेवा केन्द्रका कबि पुडासैनी, दलिसमाज कल्याणसंघका बलबहादुर सुनार लगायतका विभिन्न संघसंस्थाका प्रमुख एवं प्रतिनिधिहरुको सहभागितता रहेको छ ।

मानवअधिकार संजालको निर्णय अनुसार ज्यामरुङ गाविस कार्यालयमा फागुन १४ गते सार्वजनिक सुनुवाइ गर्ने निर्णय गरिएको छ । सरकारले लागु गरेको विभिन्न कार्यक्रमसंगै पुनरनिर्माण सम्बन्धी विषय र मानवअधिकारका विषयहरुमा छलफल तथा अनुगमन र सरोकारवालाहरुलाई मानवअधिकारप्रति ध्यान दिन आग्रह गर्नेछ ।

फागुन १३, २०७२, १२.००

२०७२ फागुुण १३ गते १२:०४ मा प्रकाशित

You can share this post!

मेरो माइक्रोफाइनान्सले ६ लाख १२ हजार कित्ता सेयर निष्काशन गर्दै

खै बिजुली ? छैन बिजुली

Related posts