मुम्बई । मोबाइल फोनबाट सेल्फी फोटो खिच्दा दुर्घटना हुने गरेको भन्दै भारतीय प्रहरीले मुम्बइैका १६ स्थानमा सेल्फी खिच्न प्रतिबन्ध लगाएकोछ । सेल्फी खिच्न नपाइने गरी प्रतिबन्ध लगाइएका स्थानहरुमा समुद्री किनार लगायतका विभिन्न पर्यटकीय स्थान रहेका छन् ।
ती प्रतिबन्ध लगाइएका क्षेत्रमा गरिएको यो नयाँ प्रबन्धको उल्लङ्घन भएमा १७ अमेरिकी डलरसम्म जरिवना लगाइने पनि प्रहरीले जनाएको छ।
सेल्फि तस्वीर लिने विश्वका बहु चर्चित ४९ वटा स्थानमध्ये भारतमा १९ वटा पर्दछन्। त्यसमा मुम्बई पनि एक हो।
मोबाइल फोनबाट फोटो खिच्दा यसका कारण विभिन्न असुरक्षा र दुर्घटना समेत बढेको भन्दै विशेषगरी युवायुवतीलाई मध्यनजर राखेर यो नियम बनाइएको मुम्बई प्रहरीले जनाएको छ।
१४ फागुन २०७२, १.३०
वि.सं.२०७२ फागुन १४ शुक्रवार १३:४२ मा प्रकाशित
