काठमाण्डौं । गृह मन्त्रालयले १२ पहाडी जिल्लाका प्रमुख जिल्ला अधिकारी९सिडिओ०को सरुवा गरेको छ । उपसचिव सिडिओ हुने जिल्लाहरुमा बिहिबार जिम्मेवारी हेरफेर गरिएको हो ।
गृह मन्त्रालयका कर्मचारी प्रशासन प्रमुख सहसचिव चक्र बहादुर बुढाका अनुसार दोलखामा पुष्पराज शाही, रसुवामा कृष्ण प्रसाद अधिकारी, ओखलढुङगामा एकदेव अधिकारी, ताप्लेजुङमा चक्रपाणि पाण्डे, लमजुङमा मोहन जिसी, म्याग्दीमा केशबराज आचार्यलाई सिडिओ बनाइएको छ । त्यस्तै दार्चुलामा मोहन जोशी, बाजाुरामा भोजराज श्रेष्ठ, जुम्लामा रुद्र पण्डित, सल्याणमा गोविन्द रिजाल, दैलखमा लुक बहादुर क्षेत्री र रुकुममा बंशिकुमार आचार्यलाई सरुवा गरिएको थियो ।
ती जिल्लामा कार्यरत सिडिओहरुलाई विभिन्न जिल्लामा सहायक सिडिओको रुपमा तथा गृह मन्त्रालयमा सरुवा गरिएको छ । सामान्यतया एक वर्ष अवधि पुगेपछि सिडिओको सरुवा हुन्छ ।
गृहले १२ सिडिओ सहित २९ उपसचिवको जिम्मेवारी हेरफेर गरेको हो । हाल काज सरुवा गरिएको र पछि सोही स्थानमा सरुवाको निर्णयको हुने सहसचिव बुढाले बताए ।
२१ फागुन २०७२, ११.००
वि.सं.२०७२ फागुन २१ शुक्रवार १३:१० मा प्रकाशित
