काठमाडौ । नेपाल ट्रिपर तथा ट्रक व्यवसायी समितिले जग्गा खरिद गरि आफ्नै नयाँ भवन निर्माण गर्ने योजना सार्वजनिक गरेको छ । समितिको पाँचौ वार्षिक साधारण सभाको अवसरमा समितिका अध्यक्ष कृष्ण पन्तले सो योजना सार्वजनिक गरेका हुन् ।
काठमाडौ चन्द्रागीरी नगरपालिकामा करिब साँढे ४ आना जग्गा खरिद कार्य सम्पन्न भएको र उक्त जग्गामा आगामि एक वर्ष भित्र समितिको आफ्नै पक्की भवन निर्माण सम्पन्न गरिने बताए ।
नेपाल यातायात व्यवसायी राष्ट्रिय महासंघका कार्यबाहक अध्यक्ष डोलनाथ खनालले साधारण सभाको उद्घाटन गरेका थिए । उद्घाटन मन्तव्य राख्दै महासंघ कार्यबाहक अध्यक्ष खनालले यातायात क्षेत्रका समस्यालाई यातायात क्षेत्रका सरोकार पक्ष सबै एकै ठाउँमा बसेर त्यसको समाधान निकाल्नुपर्ने भनाई राखे ।
कार्यक्रममा समितिको जग्गा खरिद तथा भवन निर्माणार्थ सहयोग गर्ने दाताहरु र संचारकर्मीहरुलाई सम्मान गरिएको थियो ।
त्यस्तै कार्यक्रममा सहभागी वक्ताहरुले हाल यातायात क्षेत्रमा मालबाहक सवारी साधनले कम इन्धन पाउँदा यी सवारी संचालनमा ठूलो समस्या झेल्नुपरेको भन्दै यसलाई विचार गरि सम्बन्धित सबै निकायले आफुहरुलाई न्यायको आँखाले हेर्नुपर्ने धारणा राखेका थिए ।
वि.सं.२०७२ फागुन २५ मंगलवार १७:१० मा प्रकाशित
