नयाँ दिल्ली । विभिन्न साना एवं ठूला वेवसाईटहरु ह्याक गरेर १ करोड ४ लाखभन्दा बढी भारतीय रुपैयाँ कमाई गरिसकेका एक युवकलाई फेसबुकले पनि फेसबुकको साइट ह्यक गरेवापत १५ हजार अमेरिक डलर पुरस्कार दिने भएकोछ ।
सामाजिक संजाल फेसबुक ह्याक गर्ने भारत बेङलोरका सफ्टवेयर इन्जिनियर आनन्द प्रकाशलाई फेसबुकले १५ हजार अमेरिकी डलर पुरस्कार दिएको छ । फेसबुकले फेसबुक ह्याक गर्नेलाई सो पुरस्कार दिने घोषणा गरेको थियो।
उनले अहिलेसम्म साना र ठूला गरी धेरै साइटहरु ह्याक गरिसकेका छन्। वेबसाइट ह्याक गरेर उनले अहिलेसम्म १ करोड ४ लाखभन्दा बढी भारतीय रुपैयाँ कमाइसकेको अन्तर्राष्ट्रिय समाचार संस्थाहरुले जनाएका छन्।
उनले फेसबुकको लग इन सिस्टममा भएको कमजोरी पत्ता लगाएका थिए। फेब्रुअरी २२ तारिखका दिन उनले फेसबुकको भएको कमजोरी पत्ता लगाएपछि फेसबुकले उनलाइ मार्च २ तारिखका दिन सो पुरस्कार दिने घोषणा गरेको हो ।
२८ फागुन २०७२, ८.००
वि.सं.२०७२ फागुन २८ शुक्रवार १०:५७ मा प्रकाशित
