बुटवल । तिनाउ विकास बैंकले ५ लाख ४६ हजार १ सय ९२ कित्ता सेयर वैशाख २ गतेसम्म आवेदन दिन सकिने गरी जारी गरेकोछ । यसका लागि बैंकले गत फागुन १४ गतेसम्म कायम शेयरधनीहरुले मात्र हकप्रदमा आवेदन दिन पाउने जनाएको छ ।
बैंकले हाल कायम चुक्तापुँजीबाट ४ स् १ ९ चार शेयर बराबर एक शेयर० अनुपातमा हकप्रद शेयर निष्काशन गरेको हो । हाल बैंकको २१ करोड ८४ लाख ७७ हजार रुपैयाँ चुक्ता पुँजी छ । हकप्रद निस्कासन पश्चात बैंकको चुक्ता पूँजी २७ करोड ३० लाख ९६ हजार रुपैयाँ पुग्नेछ ।
बैंकको हकप्रदमा तिनाऊ विकास बैंकको केन्द्रिय कार्यालय बुटवल रुपन्देही र बैंकका सबै शाखाबाट आवदेन दिन सकिनेछ । यसैगरि सिद्धार्थ क्यापिटल लिमिटेड हनुमानथान काठमाडौ र सिद्धार्थ बैंकका सबै शाखाबाट पनि आवेदन दिन सकिनेछ ।
गत आर्थिक बर्षको मुनाफाबाट बैंकले १८ प्रतिशत बोनश वितरणको गरेको थियो । बैंकले पुस मसान्तसम्ममा २ करोड ५६ लाख रुपैयाँ खुद नाफा कमाएको छ । बैंकको सेयरको निस्कासन तथा विक्री प्रबन्धकमा सिद्धार्थ क्यापिटल छ ।
२७ फागुन २०७२, ११.००
वि.सं.२०७२ फागुन २८ शुक्रवार ११:५० मा प्रकाशित