पोखरा । चार वर्ष अगाडिदेखि चचहुई फनपार्क सञ्चालन हुदै आएको यहाँको ठाउँमा थप गरेर अन्तर्राष्ट्रिय स्तरको पारिवारिक होटल ‘जलमहल’ संचालनमा आएको छ ।
करिब १० रोपनी क्षेत्रफलमा चचहुई फनपार्क को खर्च समेत गरेर १२ करोड खर्च गरेर बनाइएको यस होटल तीन थरिका स्विमिङ पुल छन्। होटलमा डिलक्स, सुपर डिलक्स, जलमहल प्रिमियम र कनेक्टिङ गरी चार प्रकारका सुविधासम्पन्न ३६ कोठाहरु छन् । सबैै कोठा वा कोठाका बालकोनीबाट पुल र बगैँचाका साथै धौलागिरि, अन्नपूर्ण वा मनास्लु हिमश्रखंलाका मनोरम दृश्य देख्न सकिने छ ।
`
अन्तर्राष्ट्रिय पाहुनाको लागि डिलक्स् कोठाको मूल्य प्रतिकोठा प्रतिरात ५० अमेरिकी डलर, सुपर डिलक्स्को ७५ डलर, जलमहल प्रिमियमको १०० डलर र कनेक्टिङको १२५ डलर छ । आन्तरिक पर्यटकका लागि यो मूल्यमा ३० प्रतिशत छुटको व्यवस्था गरिएको छ ।
होटलमा १५० जना क्षमता भएको कन्फ्रेन्स हल र फ्यामिलि वा कर्पोरेट इभेन्ट लागि गार्डेन लनको व्यवस्था छ । होटलका डिलक्स् कोठाको बुकिङ खुला गरिसकिएको छ भने अन्य किसिमका कोठाहरु नयाँ वर्ष २०७३ पहिले नै खुल्नेछ । अग्रिम बुकिङका लागि अनलाइनबाट होटल जलमहलको वेबसाइटमा गएर वा होटलमा सिधै सम्पर्क गर्न सकिने छ ।
१ चैत २०७२, ११.३०
वि.सं.२०७२ चैत १ सोमवार १३:०३ मा प्रकाशित
