अस्ट्रेलिया । यहाँ स्थित एन आर एनले विद्यार्थी हितका लागि एक करोडको अक्षयकोष खडा गर्ने भएकोछ । उच्च अध्ययनका लागि यहाँं आउने नेपाली विद्यार्थीको हक, हित तथा उनीहरुको सबै खाले समस्या समधानका लागि सो रकम खर्चिने योजना सहित अक्षयकोष खडा गर्न लागिएको हो ।
यसका लागि एन आर एन अस्ट्रेलियाको आयोजनामा राष्ट्रव्यापी ुवाक फर वेलफेयरु कार्यक्रमको हुने भएको छ। अस्ट्रेलियाको सिड्नी , मेलवर्न , व्रिसबेन, पर्थ र एडिलेडमा क्रमिक रुपमा एकैखाले कार्यक्रमको आयोजना गरिदैछ। कार्यक्रम सिड्नीमा १९ मार्च , ब्रिसबेनमा अप्रिल २ ,पर्थमा ९ अप्रिलमा ,१७ अप्रिलमा मेलवर्न तथा ७ मे मा एडिलेडमा आयोजना हुने भएको छ।
पूर्ण रुपमा पारदर्शी ढगंबाट पैसा उठाइने र यसको विवरण सार्वजनिक गरिने अनि आवश्यकता हेरी संकलित रकम खर्च गरिने बताइएकोछ ।
एन आर एन अस्ट्रेलियाले नेपाली समुदायको हक हितका लागि भनेर यस आघि नै करिब १ लाख अस्ट्रेलियन डलरको सोसल वेलफेयर फन्ड बनाइसकेको छ।
२ चैत, २०७२, १२।००
वि.सं.२०७२ चैत २ मंगलवार १२:३९ मा प्रकाशित
