काठमाण्डौं । नेपाल स्टक एक्सचेन्ज (नेप्से)को कारोबार प्रणालीलाई अन्तर्राष्ट्रिय मान्यता प्राप्त प्रविधि आटोमेटेड कारोवार प्रणाली भित्र्याउन धितोपत्र वोर्डले निर्देशन दिँदै नेपाली बजारमा एनआरएन एवं विदेशी लगानीकर्तालाई भित्र्याउन एवं विश्वसनीय वातावरण तयार पार्न भनेको छ ।
क्रस वोर्डर ट्रेडिङ÷लिस्टिङ (अन्तरदेशीय कारोबार तथा सुचीकरण), गैरआवासीय नेपाली तथा विदेशी लगानीकर्तालाई नेपालको पुँजी बजारमा प्रवेश गराउनका लागि उनीहरुलाई समेत विश्वसनीय हुने अन्तर्राष्ट्रिय मान्यता प्राप्त प्रविधि आवश्यक भएको औंल्याउँदै बोर्डले यस्तो निर्देशन दिएको हो ।
विश्व पुँजी बजारको अत्याधुनिक प्रणालीहरु प्रचलनमा आइसकेको स्थितिमा नेपालको धितोपत्र बजारमा समेत त्यसै अनुसार प्रणाली भित्राउन आवश्यक भइसकेको वोर्डको तर्क छ । वोर्डले भनेको छ– धितोपत्र बजारको कारोबार प्रणालीलाई अन्तर्राष्ट्रिय प्रणालीसँग सामनजस्य हुने र टेस्टेड सिस्टम भित्राउनेतर्फ पहल गर्न निर्देशन दिइएको छ ।
नयाँ प्रणालीमा जाँदा लगानीकर्ताले गुणस्तरीय सेवा प्राप्त गर्नुका साथै बजारको विस्तारमा थप सहयोग पुग्ने वोर्डले निर्देशनमा उल्लेख गरेको छ ।
प्रकाशितः बिजमाण्डु, ३ चैत २०७२, १२.००
वि.सं.२०७२ चैत ३ बुधवार १२:३० मा प्रकाशित
