काठमाडौं । पैसा तिरेर टिकट काटेर विभिन्न सांगीतिक एवं साँस्कृतिक कार्यक्रम हेर्दै आएका नेपाली दर्शकका लागि खुसीको खबर । मलेशियामा बस्ने नेपालीलले सिस्नुपानी नेपालको कार्यक्रम सित्तैमा हेर्न पाउने भएका छन् ।
सिस्नुपानी नेपालका कलाकारले मलेशियामा प्रस्तुती गर्ने कार्यक्रम हेर्न दर्शकले कुनै शुल्क तिर्न पर्दैन । शुक्रवारदेखि मलेशियामा सुरु हुने कार्यक्रममा हाँस्यब्यङग्य, साहित्यिक, सांगीतिकदेखि योग प्रशिक्षण समेत रहेको छ । दुई थोपा हाँसो हाँस्यब्यङ्ग्य यात्रा अन्तरगत सिस्नुपानीले यसअघि दुबई र कतारमा कार्यक्रम गरिसकेको छ ।
कतार र दुबईको दर्जन बढी स्थानमा कार्यक्रम सम्पन्न गरेको जानकारी दिंदै सिस्नुपानीका अध्यक्ष लक्ष्मण गाम्नागेले मलेशियाको आधा दर्जन स्थानमा प्रस्तुति दिन लागेको बताए ।
शुक्रवार मलेसियाको निलाईस्थित जीएस पेपर कम्पनी परिसरवाट कार्यक्रम सुरु हुन्छ । त्यसपछि टप ग्लोर होस्टर परिसर र क्वालालाम्पुर स्थित फाईभ इलेमेन्टस होटलमा हुने छ । जोरबारु, मुआर र गोर्खा भिलेजमा पनि सिस्नुपानीले प्रस्तुति दिने भएको छ ।
नेपालीहरुले काम गर्ने कारखाना, बस्ने होस्टेल र पार्कहरुमा गएर कार्यक्रम प्रस्तुति गरिने गाम्नागेको भनाई छ । टोलीमा गाम्नागेसंगै, मनोज गजुरेल, धिरेन्द्र प्रेमषिर्, अर्जुन पराजुली, डा. राजु अधिकारी रहेका छन् ।
डा. अधिकारीले योग र अन्य स्वास्थ्य टिब्स दिने उक्त कार्यक्रममा गजुरेलले प्रहशन प्रस्तुत गर्ने भएका छन् ।
वि.सं.२०७२ चैत ३ बुधवार १२:४९ मा प्रकाशित
