काठमाण्डौं । अमेरिकाको न्युयोर्कमा बसोबास गर्दै आएका एक नेपाली आक्रमणमा घाइते भएका छन् ।
न्युयोर्कको रोचेस्टरमा बसोबास गर्दै आएका खड कट्टेल माथि सांघातिक हमला भएको थियो । आक्रमणका कारण उनी घाइते छन् । कट्टेलका परिवारका अनुसार गत आईतबार रोचेस्टर हाइल्याण्ड भाडाको घर (अपार्टमेन्ट)नजिकको वेस्टफल सडकमा हिड्दै गर्दा उनीमाथी आक्रमण भएको थियो । आक्रमण पछि आक्रमणकारी भागेका थिए ।
आक्रमणकारीले उनीमाथि चक्कुसमेत प्रहार गरेका उनको परिवारले जनाएको छ । आक्रमणका कारण सडकमा ढलेका कट्टेल उठेर घर जाने क्रममा उनका छोराले रगताम्मे र बेहोसी देखे पछि प्रहरीलाई खबर गरेका थिए ।
उनको उपचार स्ट्रोंग मेरोरिएल अस्पतालमा उपचार भै रहेको र स्वस्थमा सुधार भै रहेको प्रहरीलेले जनाएको समाचार न्युयोर्कको नेक्स्टार प्रसारणमा छापेको छ । कटेलका भतिज २० बर्षिय दुर्गा कट्लले आफ्ना काकालाई पनि २ महिना अघि आक्रमणको प्रयास भएको जनाएका छन् ।
प्रकाशितः २०७२ चैत्र ४
वि.सं.२०७२ चैत ४ बिहीवार १२:०४ मा प्रकाशित
