काठमाडौं । कोरिया लगायत विश्वका विभिन्न देशबाट रेमिट्यान्सको कारोबार गर्दै आएको नेपाल रेमिटले विभिन्न सार्वजनिक सञ्चार माध्यममा आएका समाचारप्रति आफ्नो ध्यानाकर्षण भएको जनाएको छ ।
नेपाल रेमिटले दक्षिण कोरियाबाट समेत कारोबार थाले पनि एक अनलाईन पत्रिकाले कोरियामा कुनै पनि बैधानिक रेमिट नभएको समाचार प्रकाशन गरेको भन्दै उसले आपत्ती जनाएको हो । नेपाल रेमिटले यस्ता समाचारले हुण्डी लगायतका अबैध कारोबारीहरुलाई सहयोग पुग्ने भएकाले समाचार लेख्दा सचेत भईदिन पनि सम्बन्धित सबैमा अनुरोध गरेको छ ।
नेपाल रेमिट अमेरिका, जापान, युरोप, खाडी लगायतका देशहरुमा समेत लोकप्रिय रहेको छ । दक्षिण कोरियामा अबैध रुपमा हुण्डी मौलाइरहेका बेला नेपाल रेमिटले थालेको प्रयासलाई सबैले स्वागत गरिरहेका बेला भ्रामक समाचार आउँदा दुःख लागेको कम्पनीले विज्ञप्तीमा उल्लेख छ । कोरिया जस्तो श्रमका लागि लोकप्रिय गन्तब्य मुलुकमा अहिलेसम्म बैधानकि कारोबार गर्ने कम्पनी नभएको अवस्थामा नेपाल रेमिटले कारोबार थालेको कम्पनीले जनाएको छ ।
नेपाल रेमिटले दक्षिण कोरियाको केन्द्रीय बैंक र नेपाल राष्ट्र बैंक सँगको अनुमतिमा पेगेट लिमिटेडसँग सहकार्य गरि कारोबार थालेको हो । कोरियाको अर्थ मन्त्रालयको इजाजत नम्वर २०१५–१९ अनुसार कम्पनीले कारोबार थालेको र आफुहरु कोरियामा पहिलो आधिकारिक कम्पनी भएको नेपाल रेमिटले बताएको छ ।
उसले यस्ता भ्रमक समाचारको पछि नलागि सत्य तथ्य बुझेर कारोबार गर्न कोरियामा रहेका नेपालीहरुलाई आग्रह समेत गरेको छ ।
प्रकाशितः २०७२ चैत्र ५
वि.सं.२०७२ चैत ५ शुक्रवार १२:४५ मा प्रकाशित
