काठमाण्डौँ । यार्सा भण्डारको रुपमा रहेको रन्मामैकोटलाई पर्यटकीय क्षेत्रको रुपमा विकास गर्ने उद्देश्यका साथ रुकुमको पुपालमा यार्सा महोत्सव–२०७३ आयोजना गरिने भएको छ ।
झन्डै चार हजार चार सय मिटर उचाइमा सो महोत्सव गर्नका लागि सरोकारवालासँगको छलफलमा पुपाल यार्सा महोत्सव मूल आयोजक समितिका अध्यक्ष लक्ष्मीप्रसाद पुनले पर्यटकीय सम्भाव्यता र व्यवस्थापनलाई आधार बनाएर ३५ सदस्यीय मूल आयोजक समिति गठन गरेको जानकारी दिए । राजधानीमा आयोजित एक अन्तक्रिया कार्यक्रममा सो क्षेत्रमा विश्वमै दुर्लभ यार्सा गुम्बा रहेको र यसको विकासबाट देशको अनुहार बदल्न सक्ने पनि बताइएको थियो ।
रुकुमका स्थानीय विकास अधिकारी चिन्तामणि शर्माले १५ वटा ताल, मगरको बसोबास भएको यो गाउँ पर्यटकीय सम्भावना भएकाले सरकारले यसमा प्राथमिकता दिनुपर्ने बताए ।
महोत्सवका लागि ट्रेकिङ एजेन्सीज एसोसियसन अफ नेपाल ९टान० का तथा नेपाल पर्वतारोहण सङ्घले पनि सहयोग गर्ने बताइएकोछ ।
८ चैत २०७२, ८.००
वि.सं.२०७२ चैत ८ सोमवार ११:५५ मा प्रकाशित
