पोखरा । ‘जिस्म’ चलचित्रका सुटिङ युनिटलाई कास्की प्रहरीले नियन्त्रणमा लिएको छ । फिल्म निर्देशक राजु गिरी, नायिका अर्चना पनेरु सहितको टिमलाई प्रहरीले नियन्त्रणमा लिएर जिल्ला प्रशासन कार्यालयमा ल्याएको छ ।
‘पोर्न स्टार’ बन्ने लक्ष्य लिएर चर्चित बनेकी पनेरुलाई गिरीले आफ्नो फिल्म खेलाउन खोजेका हुन् । पोखराको खाल्टे मसिने भन्ने स्थानमा सुटिङ गरिरहेको युनिटलाई रामबजार प्रहरी चौकीले नियन्त्रणमा लिएको हो ।
चलचित्र विकास बोर्डबाट स्विकृति नलिई फिल्म सुटिङ गरेको उनीहरुमाथि अभियोग छ । फिल्म निर्देशक गिरी भने बोर्डबाट सबै प्रक्रिया पूरा गरेर मात्र शुटिङ थालिएको दावी गरेका छन् । उनीहरु सबैजनालाई बयानका लागि प्रशासन कार्यालयमा राखिएको छ ।
प्रकाशित कान्तिपुर, ८ चैत २०७२, ३.३०
वि.सं.२०७२ चैत ८ सोमवार १६:२८ मा प्रकाशित
