रसिला होमागाई ।
भक्तपुर । दास्रो संविधान सभा निर्वाचन पछि भक्तपुरमा १२ हजार मतदाताको संख्यामा वृद्धी भएको छ ।
२०७० सालको संविधान सभाको निर्वाचन भन्दा अगाडी १ लाख ४९ हजार ५ सय ५८ रहेकोमा २०७२ फागुन मसान्त सम्म १२ हजार ७ सय ५ जना वृद्धी भएको जिल्ला निर्वाचन अधिकृत उमेश राइले बताए ।
वृद्धी भएको मतदाता संख्यामा महिला ६ हजार ३ सय ९७ तथा पुरुष मतदाताको संख्या ६ हजार ३ सय ८ जना रहेका छन् ।
गत फागुन १४ गते देखि २५ गते सम्म चलाइएको मतदाता नामवली संकलन तथा अध्यावधिक विशेष कार्यक्रममा थप ७ सय ७२ जना रहेका छन् ।
२०६७ साल देखि निरन्तर मतदाता नामावली अध्यावधिक कार्यक्रम संञ्चान भएको तथा जिल्ला प्रशासनमा दैनिक नामावली संकलन हुने भएकाले जनसहभागीता सकारात्मक रहको राईले बताए ।
भक्तपुरको मध्यपु्र नगरपालिकाको ६ वटा र भक्तपुर नगरपालिकाको ७ वटा वडामा अध्यावधिक विशेष कार्यक्रम संञ्चालन हुन बाकीँ रहेक जिल्ला निर्वाचन अधिकृत राईले बताए ।
भक्तपुरमा महिला मतदाताको संख्या ८२ हजार ३ सय ६५ तथा पुरुष मतदाताको संख्या ७९ हजार ८ सय ९८ जना रहेका छन् ।
२०७२ फागुन मसान्त सम्म भक्तपुरमा कुल मतदाताको संख्या १ लाख ६२ हजार २ सय ६२ जना रहेको राईले जानकारी दिएका छन् ।
१७ चैत २०७२/४:३६
वि.सं.२०७२ चैत १७ बुधवार १६:४३ मा प्रकाशित
