काठमाण्डौं । अर्थ मन्त्रालयले नयाँ आर्थिक वर्षको बजेटमा सुझाब दिन बैशाख १५ गतेसम्मको म्याद तोकेको छ । बजेटबारे सुझावका लागि सर्वसाधारण, नागरिक समाज एवं बुद्धिजीवीहरुलाई आग्रह गरेको छ ।
महाशाखाले अहिले बजेट तर्जुमा भइरहेको भन्दै बजेटमा समावेश गरिनुपर्ने नीति तथा कार्यक्रममा सुझाव दिन विभिन्न संघ संस्था, बुद्धिजिवी, विज्ञ, राजनीतिक दल, व्यवसायी, समाजसेवी, पेशाकर्मी, कर्मचारी तथा आम नागरिकमा अनुरोध गरेको छ ।
अर्थमन्त्रालय अन्तर्गतको बजेट कार्यक्रम महाशाखाले सार्वजनिक सूचना प्रकाशित गरेर आर्थिक वर्ष ०७३/७४ को बजेटमा समावेश गरिनुपर्ने विषयबारे सुझाव दिन आग्रह गरेको हो । इच्छुकले इमेल वा अन्य माध्यमबाट सुझाव पठाउन सकिने बताइएको छ ।
१९ चैत २०७२, २.००
वि.सं.२०७२ चैत १९ शुक्रवार १४:२५ मा प्रकाशित
