काठमाण्डौं । आज भूकम्पपीडित आठ जिल्लाका बासिन्दाहरुका लागि भनेर छुट्याइएको आवास पुननिर्माण योजना अन्तर्गत व्यक्तिगत घर निर्माण गर्न अनुदान पाउन योग्य व्यक्तिहरुको नाम सार्वजनिक गरिँदैछ ।
केन्द्रीय तथ्यांक विभागद्वार सञ्चालित भूकम्प प्रभावित आवासा पुनर्निमाण लगत संकलनले यस्तो विवरण सार्वजनिक गर्न लागेको हो । यो विवरणमा नाम भएकाले मात्र उक्त सुविधा पाउनेछन् भने नाम नभएकाले सरकारले घर बनाउने दिने दुई लाख, सामूहिक जमीनको ३ लाख सहुलियत ऋण र गाउँमा १५ लाख धितोसहितको ऋण पाउनबाट वञ्चित हुने छन् ।
प्राधिकरण अनुसार गोरखाको हंसपुर, धादिङको मार्पाक, नुवाकोटको खरानीटार, काभ्रेको रविओपी, रामेछापको मन्थली नगरपालिकाको ओख्रेनी, सिन्धुलिको रातमाटा झाँगाझोली, ओखलढुंगाको सिद्धिचरण नगरपालिका र रसुवाको धुन्चेमा अनुदान पाउनयोग्य व्यक्तिहरुको सूची सार्वजनिक गरिदैँछ ।
२१ चैत, २०७२, १०.००
वि.सं.२०७२ चैत २१ आइतवार १२:२४ मा प्रकाशित
