उदयपुर । सिमेन्ट उत्पादन गर्ने मेसिन बिग्रेपछि जिल्लाको जलजलेस्थित उदयपुर सिमेन्ट उद्योग विगत १५ दिनदेखि बन्द छ।
मेसिनका उपकरण जापानबाट आपूर्ति हुन कठिनाइ हुँदा सिमेन्ट उत्पादन कार्य पूर्ण रुपमा बन्द हुन पुगेको सो उद्योगका प्रबन्धक सुरेन्द्र पौडेलले बताए। उद्योगको धेरै सामान जापानको कावासाकी कम्पनीले उपलब्ध गराउँदै आएको छ भने साना सामान उपलब्ध गराउन तयार नहुँदा उद्योगलाई कठिनाइ हुने गरेको छ।
‘भारतीय कम्पनीबाट ल्याइने सामानको ग्यारेन्टी नहुँदा जापानबाट मगाउनुपर्ने बाध्यता छ’ पौडेलले भने । उद्योगको उपकरण फेर्न करिब चार करोड लागत लाग्ने बताइएको छ। उद्योग बन्द हुँदा अहिले दैनिक रु एक करोड घाटा हुने गरेको छ।
दैनिक ८०० टन सिमेन्ट उत्पादन क्षमता रहेको उदयपुर सिमेन्ट उद्योग यसअघि पनि पटक–पटक बन्द हुने गरेको थियो ।
२२ चैत २०७२, ८.००
वि.सं.२०७२ चैत २२ सोमवार १०:३४ मा प्रकाशित
