काठमाण्डौं । अपि पावर कम्पनी लिमिटेडको विशेष साधारण सभाले पुँजी बृद्धिका लागि हकप्रद सेयर दिने प्रस्ताव पारित गरेको छ ।
एक विज्ञप्ति जारी गर्दै कम्पनीको विशेष साधारणसभाले एक बराबर दुईको अनुपातमा हकप्रद सेयर दिने प्रस्ताव पारित गरेको बताइएको छ । कम्पनीलाई अबको ५ बर्ष भित्र नेपालको एक ठूलो जलविद्युत विकास कम्पनी बनाउने उद्येश्यका साथ पुँजी बढाउनु परेको जनाएको छ ।
१०० करोड चुक्तापुँजी रहेको कम्पनीले १४३.५ करोडको लगानीमा दार्चुलाको नौगड गाढ खोलाको पानी उपयोग गरी ८.५ मेगावाट क्षमताको नौगड साना जलविद्युत आयोजनाको निर्माण सम्पन्न गरी गएको भदौबाट राष्ट्रिय ग्रिडमा विद्युत प्रवाह गरिसकेको छ ।
२८ चैत २०७२, १०.००
वि.सं.२०७२ चैत २८ आइतवार १२:१२ मा प्रकाशित
