काठमाण्डौं । अनेरास्ववियुले डिग्री पास गरेका युवायुवतीलाई सरकारले बिना ब्याज १० लाख उपलध गराउनुपर्ने माग गरेको छ।
अर्थमन्त्री विष्णु पौडेललाई आज ज्ञापनपत्र बुझाउँदै अनेरास्ववियुले ब्याच्लर पास गर्नेलाई ७ लाख र प्लस टु गर्नेलाई ५ लाख ऋण उपलब्ध गराउन माग गरेको हो ।
नेपालमा सर्टिफिकेटको महत्व नभएको भन्दै आफूहरुले कुनै उत्पादनशिल क्षेत्रमा काम गर्न सर्टिफिकेटका आधारमा सरकारलाई रकम उपलब्ध आग्रह गरेको उपाध्यक्ष महेश बर्तौलाले जानकारी दिए। सरकारले यसरी रकम उपलब्ध गराए विदेश जाने मनसाय बनाएका नेपाली कामदार नेपालमा नै काम गर्न हौसिने उनले बताए ।
साथै अनेरास्ववियुले वर्षेनी सरकारले शिक्षामा बजेट घटाइरहेको भन्दै यस वर्ष २५ प्रतिशत बजेट छुट्याउन माग गरेको छ।
२९ चैत २०७२, १।००
वि.सं.२०७२ चैत २९ सोमवार १५:३२ मा प्रकाशित
