काठमाण्डौं । आज सोमबार बजार १९.१७ अंकले उक्लिएर १४२८.६० अंकमा पुगेको छ भने बजारमा १३३ कम्पनीको ९० करोड ६७ लाख रुपैयाँको सेयर किनबेच भएको छ ।
बाणिज्य बैंकहरुसँगै बिमा कम्पनी चम्किँदा बजार निकै उक्लिएको हो । स्ट्यान्डर्ड चार्टर्ड, एभरेष्ट, नेपाल एसबिआइ र नबिल बैंकको सेयर सोमबार चम्किएका छन् ।
बाणिज्य बैंक र बिमाले सेयर बजारलाई नयाँ उचाइमा पुर्याएका हुन् । सबैभन्दा बढी कारोबार सानिमा बैंकको भएको थियो । सानिमाको चार करोड ७१ लाख रुपैयाँको किनबेच भएको छ । एनबी बैंकको चार करोड ५६ लाख, नबिलको चार करोड ११ लाख, नेपाल इन्भेष्टमेन्टको चार करोड आठ लाख, नेपाल बैंक तीन करोड ५१ लाख रुपैयाँको सेयर किनबेच भएको छ ।
त्यस्तै, चार्टर्डको तीन करोड ३० लाख, सिटिजन्स बैंकले तीन करोड २६ लाख, एसबिआइको तीन करोड, एभरेष्टको दुई करोड ८१ लाख र एनएलजी इन्स्योरेन्सको दुई करोड ६७ लाख रुपैयाँको सेयर किनबेच भएको छ ।
६ चैत २०७३, ३।००
वि.सं.२०७३ वैशाख ६ सोमवार १५:५६ मा प्रकाशित
