काठमाण्डौं । आउँदो शनिबार उपत्यकाका सबै विश्व सम्पदाहरुलाई साइकलले घेर्ने तयारी भएकोछ । टुर दी लुम्बिनी- पेडल फर पिस, काठमाण्डौं साइकल सिटी २०२० र साइकल सिटी नेटर्वक नेपालको आयोजनामा यस्तो कार्यक्रम गर्न लागिएको टुर दी लुम्बिनीका संस्थापक मेघ आलेले जानकारी दिएका छन् ।
काठमाण्डौं उपत्यकाको सातवटा विश्व सम्पदालाई साइकलले घेर्न लागिएको हो । विश्व सम्पदामा सूचिकृत भएका बसन्तपुर, स्वयम्भु, पशुपति, बैद्धनाथ, चागुनारायण, भक्तपुर र पाटन दरबार क्षेत्रको संरक्षण र सम्बद्र्धनका लागि जनस्तरमा जानकारी दिन यस्तो गर्न लागिएको हो । यो साइकल ¥याली पाटनबाट सुरु भएर पाटन दरबार क्षेत्रमा नै गएर समापन गरिने पनि आलेले जानकारी दिए ।
साइकल मैत्री शहरका साथसाथै वातावरण अनुकुल इको टुरिजम, स्पोस्र्ट टुरिजमको प्रवद्र्धनका लागि र साइकल सडकले विश्व सम्पदालाई एक अर्कासँग जोड्नका लागि पनि यस्तो कार्यक्रम गर्न लागिएको आयोजकले बताए ।
५२ किलोमिटरको यो साइकल यात्रामा बालबालिकादेखि बृद्धबृद्धासम्म र स्वदेशी एवं विदेशीहरुको उल्लेख्य सहभागिता हुने आयोजकको भनाई छ । बिहान ७ बजेबाट सुरु हुने यो कार्यक्रम बेलुकी ४ बजेसम्म जारी रहनेछ । यसका लागि ६ सयभन्दा बढी माउण्टेन बाइक राइडरहरु तयार भएको पनि उनले बताएका छन् ।
आफ्नो कार्यक्रमलाई पुरातत्व विभागले राम्रो मानेको, युनेस्कोले सहयोग गरेको र टुरिजम बोर्डले प्रवद्र्धन गरेको बताउने घलेले यस कार्यक्रमलाई पर्यटन मन्त्रालयले पनि आफ्नो वार्षिक क्यालेण्डरमा समावेश गर्न लागेको पनि जानकारी दिए ।
८ बैशाख २०७३, १।००
वि.सं.२०७३ वैशाख ८ बुधवार १४:२८ मा प्रकाशित
