दुबई । आफनो कार्यस्थल र होस्टलमा बस्दा लुकीछिपी छिमेकीहरुको वाइफाइ चलाउनेलाई दुबई सरकारले कारवाही सुरु गरेकोछ । इस्लाम धर्म विपरित हुने भन्दै पासवर्ड चोरेर अर्काको वाइफाइ चलाउनेविरुद्ध कारवाही थालिएको हो ।
वाइफाइ पासवर्ड ह्याक गरेर चलाउनुलाई अपराध मान्दै धार्मिक कानुनसँग जोडिएकोछ । दुबईको इस्लामिक अफियर्स एण्ड चेरिटेबल एक्टिभिटिज डिपार्टमेन्टले यस बिरुद्धमा फतवा जारी गरेको ह्याकरिड डटकमले जनाएको छ ।
आफ्नो वाइफाइको पासवर्ड चोरी भएको भन्दै एक व्यक्तिले सरकारसमक्ष सवाल उठाएपछि डिपार्टमेन्टले कारबाही हुने भन्दै फतवा जारी गरेको हो । अब दुबईमा कार्यरत विदेशी कामदारले पनि अरुको वाइफाइ सुविधा चोरेर दुरुपयोग गर्न पाउने छैनन् ।
१४ बैशाख २०७२, ११.००
वि.सं.२०७३ वैशाख १४ मंगलवार १२:५५ मा प्रकाशित
