काठमाण्डौं । मध्य पाकिस्तानको पन्जाब राज्यमा विषाक्त लड्डु खाादा कम्तीमा २३ जनाको मृत्यु भएको छ ।
गत साता पन्जाब राज्यको मुल्तानका साजद हुसैनले आफ्नो छोरा भएको खुशीयालीमा भाँडेको लड्डु खाएका मध्ये हालसम्म २३ जनाको मृत्यु भइसकेको छ । मृत्यु हुनेमा लड्डु बढ्ने व्यक्तिसहित उनको ११ परिवारको सदस्यको पनि छन् ।
यस्तै विषाक्त लड्डु खाएका ७७ जनालाई अस्पताल भर्ना गरि उपचार गरिएको छ । जसमध्ये ५ को अवस्था चिन्ताजनक रहेको छ । प्रहरीले उक्त लड्डु बेच्ने मिठाई पसलका दुईजना धनी र एक कामदारलाई पक्राउ गरेको छ ।
प्रहरीले मिठाई पसलको छेउमै रहेको किटनासक पसलबाट भुलवश केही किटनाशक मिठाईमा परेको हुनसक्ने आशंका गरेको छ । प्रहरीका अनुसार लड्डुका कस्तो प्रकारको विष थियो भन्ने अनुशन्धान भइरहेको छ ।
प्रहरी प्रवक्ता इर्फान फैजका अनुसार हुसैनले छोरा भएको खुशीयालीमा मिठाई खुवाउने उनले उक्त पसलबाट साढे चार किलो लड्डु किनेका थिए । उक्त लड्डु खाने बित्तिकै ५ जनाको तत्कालै मृत्यु भएको थियो ।
प्रकाशितः २०७३ वैशाख १४
वि.सं.२०७३ वैशाख १४ मंगलवार १४:४० मा प्रकाशित
