काठमाण्डौं । नेपाल बैंकले नेपाल इन्स्योरेन्स कम्पनीमा रहेको दश लाख ३१ हजार ६७४ कित्ता सेयर लिलाम गर्ने भएकोछ । नेपाल ईन्स्योरेन्सको ५१ प्रतिशत सेयर स्वामित्व लिएको नेपाल बैंकले न्युनतम ४०० रुपैयाँमा सो सेयर सर्वसाधारण तथा कम्पनीहरुलाई गोप्य सिलबन्दी बोलपत्र मार्फत बिक्री गर्न सूचना निकालेको हो ।
नेपाल बैंकले आफ्नो स्वामित्वमा रहेको १३ लाख ५० हजार कित्ता सेयर मध्ये १० लाख ३१ हजार ६७४ कित्ता मात्र बेच्ने भएको हो । सिद्धार्थ क्यापिटलमार्फत अगाडि बढाईएको सेयर लिलाममा सहभागी हुन चाहनेले न्युनतम १०० कित्ता र अधिकतम ४ लाख ३१ हजार ४१० कित्ताका लागि आबेदन दिनसक्ने छन् । कुनै संस्था वा ब्यक्तिले लिलाममा आएको सबै शेयर आफुले किन्न चाहे पनि नसक्ने प्रावधान राखी १५ प्रतिशत स्वामित्व मात्रै लिनसक्ने ब्यवस्था गरिएको छ ।
लिलाममा निकालिएको नेपाल ईन्स्योरेन्सको सेयर संस्थापक समूहमै रहने र संस्थापक सेयर धारण गर्न योग्य ब्यक्ति तथा कम्पनीहरुले आबेदन गर्नसक्ने सूचनामा जनाईएको छ । शेयर सकार्न चाहनेहरुले माग गरेको सेयर वापतको पुरा रकम जम्मा गरी सिद्धार्थ क्यापिटलमा जेठ ४ गतेभित्रमा आबेदन दिईसक्नु पर्ने भएको छ ।
१५ बैशाख २०७३, ९।००
वि.सं.२०७३ वैशाख १५ बुधवार ११:३४ मा प्रकाशित
