काठमाण्डौं । नेपाल धितोपत्र बोर्डमा परेको आवेदन अनुसार सेयर बजारमा केही समयभित्रमै सवा १० अर्ब रुपैयाँको हकप्रद सेयर निष्कासन हुने भएकोछ । बोर्डमा विभिन्न समूहका ३४ वटा कम्पनीले १० अर्ब २८ करोड रुपैयाँ ९१० करोड २८ लाख कित्ता० बराबरको हकप्रद सेयर निष्कासन गर्न आवेदन दिएका छन् ।
तीमध्ये अधिकांश बैंक तथा वित्तीय संस्था र बिमा कम्पनी छन् । बोर्डबाट अनुमति पाएपछि ती कम्पनीहरूलाई सेयर निष्कासन गर्न बाटो खुल्ने छ । सामान्यतया बोर्डबाट अनुमति पाएको २ महिनाभित्र कम्पनीले सेयर निष्कासन गरिसक्नुपर्ने कानुनी व्यवस्था छ ।
हकप्रद सेयरका लागि कम्पनीहरूमा ३ वटा वाणिज्य बैंक, १४ वटा विकास बैंक र १३ वटा फाइनान्स कम्पनीको बोर्डमा आवेदन परेको छ । यस्तै २ वटा बिमा, १ जलविद्युत् कम्पनी र नागरिक लगानी कोषले आवेदन दिएका छन् ।
नेपाल राष्ट्र बैंकले बैंक तथा वित्तीय संस्थालाई पुँजी वृद्धिको निर्देशन दिएपछि हकप्रद र बोनस सेयर जारी गर्ने क्रम बढेको छ ।
२२ बैशाख २०७३, १०।००
वि.सं.२०७३ वैशाख २२ बुधवार १२:३२ मा प्रकाशित