अब त्रिभुवन विमानस्थलमा लगेज चाँडो पाइने, दुई बेल्ट थपिए

काठमाडौँ । मुलुकको एकमात्र अन्तरराष्ट्रिय विमानस्थल, त्रिभुवन अन्तरराष्ट्रिय विमानस्थलमा दुईओटा कन्भेयर (ब्यागेज ओसार्ने) बेल्ट थपिएका छन् । विगत लामो समयदेखि पुराना र कम क्षमता भएका बेल्डका कारण ब्यागेज ओसार्दा हुने ढिलाइले यात्रुले सास्ती बेहोर्दै आएका थिए । जसले अन्तरराष्ट्रिय विमानस्थलको छवि बिग्रेको थियो ।

तर अब बढी क्षमताका नयाँ दुई बेल्ट थपिएसँगै विमानस्थलमा चार ओटा बेल्ट पुगेका छन् । यसअघि विदेशबाट नेपाल आइपुगेपछि ब्यागेज लिन बढीमा करीब चार घण्टासम्म यात्रुले कुर्नुपर्ने बाध्यता थियो । थप बेल्ट जडानपछि अब यात्रुले आफ्नो लगेज बढीमा ४५ मिनेटभित्र पाउने बताइएको छ । उक्त नयाँ बेल्टको शुक्रबार साँझ संस्कृति, पर्यटन तथा नागरिक उड्डयनमन्त्री आनन्दप्रसाद पोखरेलले शुभारम्भ गर्दै अन्तरराष्ट्रिय मापदण्डको कन्भेयरले यात्रुको सुविधाका लागि सहज हुने बताए ।

देशकै प्रतिष्ठासँग जोडिएको अन्तरराष्ट्रिय विमानस्थलको सेवालाई गुणस्तरीय र प्रभावकारी बनाउन सरकार लागि परेको पोखरेलले बताएका छन् ।

प्रकाशितः २०७३ वैशाख २५

२०७३ वैशाख २५ गते १२:४२ मा प्रकाशित

You can share this post!

साताभर ११ अंकले घट्यो सेयर बजार

माछापुच्छ्रे बैंकले १८ करोड र नेपाल एसविआई बैंकले १२ करोड नाफा बढायो

Related posts