काठमाडौं । सनराइज बैंकले नाफा साढे ७४ प्रतिशतले बढाएर ५८ करोड ८१ लाख रुपैयाँ पुर्याएको छ । मेगा बैंकले पनि करिव २१ प्रतिशतले नाफा बढाउँदै ३२ करोड २८ लाख रुपैयाँ पुर्याएको छ ।
दुबै बैंकले मंगलबार सार्वजनिक गरेको चैत मसान्तसम्मको वित्तीय विवरण अनुसार डुबेको कर्जामध्ये केही उठाएको र ब्याज आम्दानीमा सुधार गरेर नाफा बढाएका छन् ।
सनराइज बैंकले २४ अर्ब ४८ करोडको कर्जा एक बर्षमा ३३ अर्ब ७७ करोड पुर्याएको छ । यसबाट बैंकले खुद ब्याज आम्दानी ८३ करोडबाट बढेर एक अर्ब दुई करोड पुगेको छ । बैंकले यसपाली राइटब्याकबाट २८ करोड २० लाख रुपैयाँ आम्दानी देखाएको छ ।
मेगा बैंकले तेस्रो त्रैमासमा खुद मुनाफा अघिल्लो वर्षको तुलनामा २० दशमलव ५९ प्रतिशतले वृद्धि गरी ३२ करोड २८ लाख रुपैयाँ कमाउन सफल भएको छ । अघिल्लो वर्षको सोहि अवधिमा बैंकले मुनाफा २६ करोड ७० लाख रुपैयाँ कमाएको थियो । बैंकले अहिलेसम्म २१ अर्ब ९० करोड कर्जा लगानी गरेको छ । एक विकास बैंकलाई गाभेका कारण पनि बैंकको कर्ज वढेको हो ।
प्रकाशितः २०७३ वैशाख २८
वि.सं.२०७३ वैशाख २८ मंगलवार ११:२८ मा प्रकाशित
