१० महिनामै सेयर कारोबार १ खर्ब १ अर्ब ५ करोड रुपैयाँ

काठमाण्डौं । चालू आर्थिक वर्षको १० महिनामै सेयर कारोबार १ खर्ब रुपैयाँ नाघेको छ । यो हालसम्मको उच्च कारोबार हो ।
गत असारदेखि बुधबार (वैशाख २९ गते) सम्मको सेयर कारोबार १ खर्ब १ अर्ब ५ करोड रुपैयाँ पुगेको नेपाल स्टक एक्सचेन्ज (नेप्से) ले जनाएको छ । गत आर्थिक वर्षमा (१२ महिनामा) ६६ अर्ब ३३ करोड रुपैयाँको कारोबार भएको थियो । अघिल्लो वर्षको तुलनामा यो वर्ष सेयर किनबेच र मूल्य निकै बढेकाले कारोबार बढेको हो ।
गत असारको तुलनामा बुधबारसम्म सेयर बजारको उतारचढाव देखाउने नेप्से परिसूचक करिब ५ सय २० अंकले उक्लिएको छ । यो ५४ प्रतिशतको वृद्धि हो ।

गत असार मसान्तमा नेप्से ९ सय ६१ दशमलव ३२ अंकमा थियो । अहिले १ हजार ४ सय ८१ दशमलव १८ मा पुगेको छ । यस्तै, चालू आर्थिक वर्षको १० महिनामा (बुधबारसम्म) १८ करोड ९७ लाख ७८ हजार कित्ता सेयर कारोबार भएको छ ।
गत आर्थिक वर्षमा १५ करोड ९७ लाख १७ हजार कित्ता सेयर कारोबार भएको थियो ।
नेप्सेको वृद्धिसँगै सेयर बजारको आकार (लगानीकर्ताको सम्पत्तिरबजार पुँजीकरण) पनि उच्च दरले बढेको छ । गत असारमा ९ खर्ब ८९ अर्ब रुपैयाँ भएको बजार पुँजीकरण अहिले १५ खर्ब ९६ अर्ब रुपैयाँ पुगेको छ । उक्त अवधिमा सेयर मूल्यसँगै कारोबार पनि उच्च दरले बढेपछि सेयर बजारको आकार तीव्र रूपमा विस्तार भएको हो ।

प्रकाशितः २०७३ वैशाख ३०

२०७३ वैशाख ३० गते १०:२२ मा प्रकाशित

You can share this post!

नयाँ बसपार्कमा अत्याधुनिक सपिंङ कम्प्लेक्स बिजि मल सञ्चालनमा

आज नर्स दिवस : कार्यस्थल सुरक्षित हुनुपर्ने माग

Related posts