काठमाडौं । बजारमा झण्डै डेढ अर्ब रुपैयाँको सेयर कारोबार भएको छ। बजारमा आज हालसम्मकै उच्च रकम अर्थात १ अर्ब ४४ करोड ५१ लाख रुपैयाँको कारोबार भयो।
सोमवार नेप्से परिसुचक हालसम्मकै उच्च विन्दुमा पुगेर अडिएको छ । आइतवार नयाँ बनाएको रेकर्डलाई तोड्दै आज नेप्से १ हजार ५ सय २४ अंकमा पुगेको हो । आइतवार १ हजार ५ सय ९ दशमलव ३९ अंकमा पुगेको थियो ।
सोमवार नेप्से १४ दशमलव ६८ अंकले बढेको छ । सो दिन कारोवारमा आएका अधिकांश समुहको परिसुचक बढ्दा समग्र सेयर बजारमा सकारात्मक प्रभाव परेको हो । सोमवार बीमा समुहको परिसुचक सबैभन्दा बढी २ सय ६१ दशमलव ०३ अंक्ले उकालो लागेको छ ।
त्यस्तै विकास बैंक १२ दशमलव ३८ र सेयर बजारमा बढी प्रभाव रहेको बैंकिङ समुहको परिसुचक १० दशमलव ५१ अंकले बढेको छ । त्यस्तै गरी उत्पादन र होटल समुहको परिसुचक क्रमशः ३ दशमलव २ र १ दशमलव १३ अंकले बढेको छ । यता अन्य,फाइनान्स र जलविद्युत समुहको परिसुचक भने क्रमशः २ दशमलव ३४,२ दशमलव ४५ र १० दशमलव ४७ अंकले ओरालो लागेको छ ।
सोमबार हिमालयन जनरन इन्स्योरेन्सको कारोवार सवैभन्दा बढी ८ करोड ५५ लाख रुपैयाँ भएको थियो । सो दिन १ सय ३५ कम्पनी कारोवारमा आएका थिए । ति कम्पनीको ३३ लाख ६२ हजार कित्ता सेयरबाट १ अर्व ४४ करोडको कारोवार भएको छ ।
प्रकाशितः २०७३ जेठ १०
वि.सं.२०७३ जेठ १० सोमवार १७:०० मा प्रकाशित
