काठमाण्डौं । साता कारोबारको अन्तिम दिन शुक्रबार सुनको मूल्य प्रतितोला ६ सय रुपैयाँले घटेको छ। हिजो बिहिबार प्रतितोला ५५ हजार रुपैयाँ रहेको छापावाल सुन आज ६ सयले घट्दै ५४ हजार ४ सय रुपैयाँ कायम भएको छ।
चाँदी पनि यस दिन प्रतितोला १० रुपैयाँले घटेको छ। बिहिबार प्रतितोला ७ सय ६० रुपैयाँमा कारोबार भएको चाँदी शुक्रबार ७ सय ५० रुपैयाँ कायम भएको छ।
अमेरिकी अर्थतन्त्रमा देखिएको सुधार र संघीय बैंकले ब्याजदर बढाउने संभावनाले गर्दा सुनको मूल्य अन्तर्राष्ट्रियस्तरमा केही घटेको हो।
१४ जेठ २०७३, १।००
वि.सं.२०७३ जेठ १४ शुक्रवार १३:१४ मा प्रकाशित