काठमाण्डौं । सिटिजन्स बैंकले ५५ प्रतिशत हकप्रद जारी गर्ने भएकोछ । एक सूचना जारी गर्दै यस बैंकले शेयरधनी दर्ता किताव बन्द भएको जानकारी सेयर धनी एवं नयाँ लगानीकर्ताहरुलाई दिएको छ ।
सिटिजन्सले यही जेठ २४ गते हकप्रद शेयर जारी प्रयोजनका लागि शेयरधनी दर्ता किताब बन्द हुने जनाएको छ । जेठ २३ गतेसम्म शेयर किन्नेले सिटिजन्सको हकप्रद भर्न पाउने छन् । सिटिजन्सले हकप्रदको बिक्री कहिलेदेखि हुने भन्ने कुरा भने खुलाएको छैन ।
सिटिजन्सले ५५ प्रतिशत हकप्रद शेयर जारी गर्ने घोषणा गरेका थिए । सिटिजन्सले हकप्रद शेयर जारी गर्न केही साता अघि तयारी गरे पनि धितोपत्र बोर्डले रोकेको थियो ।
१७ जेठ २०७३, ९.००
वि.सं.२०७३ जेठ १७ सोमवार ११:११ मा प्रकाशित