काठमाण्डौं । प्रतिपक्षी नेपाली कांग्रेसले सरकारले बजेटको गोपनीयता भंग गरेको भन्दै संसद बैठक अवरुद्ध पारेको छ। शनिबार अर्थमन्त्रीले संसदमा बजेट पढ्नुअघि नै पत्रपत्रिकामा छापिएको भन्दै कांग्रेस छानबिन गर्न माग गरेको छ।
आज सोमबार संसद बैठकमा बोल्दै कांग्रेस नेता रामशरण महतले पत्रिकामा छापिएको र संसदमा प्रस्तुत बजेटमा कुनै फरक नभएको भन्दै छानबिन गर्न समिति गठनको माग गरेको हो। कांग्रेसको अवरोधपछि संसद बैठक आधा घण्टाका लागि स्थगित भएको छ।
छानविन समिति गठन नगरेसम्म संसद चल्न नदिने कांग्रेसले जनाएको छ। शनिबार संसदमा बजेट पेश हुनुअघि नागरिक दैनिकमा बजेट प्रकाशित भएको कांग्रेसले आरोप लगाएको छ।
१७ जेठ २०७३, १२.००
वि.सं.२०७३ जेठ १७ सोमवार १३:२७ मा प्रकाशित
