काठमाण्डौं । निजामती कर्मचारीको आधिकारिक ट्रेड युनियनको नेता छान्न भएको चुनाबमा एमाले भातृ संगठन निजामती कर्मचारी संगठनले वर्चश्व जमाएको छ।
बुधबार भएको निर्वाचनको नतिजा बिहीबार बिहान आएको हो। देशभरि ४२ विभागीय र ७५ जिल्ला कार्यसमिति गरी ११७ स्थानको चुनावी परिणाम सार्वजनिक भएको हो। नतिजाअनुसार एमालेको नेपाल निजामती कर्मचारी संगठनले ८२ स्थानमा विजय हासिल गरेको छ। कांग्रेसको निजामती कर्मचारी युनियनले २५ स्थानमा चित्त बुझाएको छ भने मधेसी निजामती कर्मचारी मञ्च ७ स्थानमा विजयी भएको छ।
निर्वाचनमा कार्यालय प्रमुख नरहेका शाखा अधिकृत र सोभन्दा तल्लो तहका ५५ हजार ३२९ कर्मचारीले मतदान गरेका थिए। चुनाबमा सबैभन्दा बढी स्थान ल्याउने अध्यक्ष र कोषाध्यक्ष, दोस्रो हुने महासचिव र तेस्रो हुने उपाध्यक्ष र चौथो हुने सचिव पाउने व्यवस्था छ।
२० जेठ २०७३, ११.३०
वि.सं.२०७३ जेठ २० बिहीवार १२:३३ मा प्रकाशित