काठमाण्डौं । नायक तथा निर्माता भूवन केसीले निर्देशन गरेको चलचित्र ‘ड्रिम्स’को पाइरेसी हाइलाइट्स नेपालबाट भएको बताएका छन् । यो चलचित्रको युटुब राइट्स भूवनले हाइलाइट्स नेपाललाई वेचेका थिए ।
पाइरेसीबाट बच्नका लागि भन्दै भूवनले मास्टर कपी नै हाइलाइट्सलाई दिएका थिए । चलचित्र चलेको एक वर्षपछि मात्र सार्वजनिक गर्ने शर्तमा दिइएकोमा कम्पनीबाटै चलचित्र पाइरेसी भएपछि उनले ९० लाख क्षतिपूर्ति मागेका छन् ।
हिजो बुधबार बेलुकी महानागरिय प्रहरी अपराध महाशाखाले विधान गुरुङ र चन्द्र नागजु नाम गरेका २ व्यक्तिलाई पक्राउ गरेको छ । जसमध्ये विधान हाइलाइट्स नेपालमै काम गर्ने कर्मचारी हुन् ।
२० जेठ २०७३, ११।३०
वि.सं.२०७३ जेठ २० बिहीवार १६:२१ मा प्रकाशित
