काठमाण्डौं । रिलायन्स लोटस फाइनान्स लिमिटेडले १०ः६ हकप्रद सेयर जारी गर्ने भएको छ। फाइनान्सको शुक्रबार सम्पन्न छैठौै वार्षिक साधारण सभाले उक्त प्रस्ताव पारित गरेको हो।
सभामा वार्षिक प्रतिवेदन प्रस्तुत गर्दै सञ्चालक समिति अध्यक्ष धर्मेन्द्रकाजी श्रेष्ठले आर्थिक वर्ष २०७१/७२ मा खुद मुनाफा ४ करोड ५५ लाख १३ हजार भएको जानकारी गराए ।
फाइनान्सको अधिकृत पुँजी ६५ करोड, जारी पुँजी ३७ करोड १४ लाख २८ हजार ६ सय र चुक्ता पुँजी ३७ करोड १४ लाख रहेको छ । संस्थाले सेयरधनीलाई आव ०७१/७२ मा २० प्रतिशत बोनश सेयर तथा १.०५ प्रतिशत नगद लाभांश (कर प्रयोजनार्थ) गरी जम्मा २१.०५ प्रतिशत लाभांश दिने जनाएको छ । साथै नाम परिवर्तन गरि रिलायन्स फाइनान्स लिमिटेड राख्ने, पुँजी वृद्धि संस्थापक समूह तथा साधारण सेयर अनुपात ५१ः४९ प्रतिशत हुने गरी परिवर्तन गर्ने, सञ्चालक संरचना परिवर्तन गर्ने, यही आवभित्र चूक्ता पुँजी ८० करोड पुर्याउने रिलायन्सको विज्ञप्तिमा छ।
पाँचौ साधारण सभामा पारित संस्था, उपयुक्त बैक, विकास बैंक तथा वित्तीय संस्था एकापसमा गाभ्ने–गाभिने तथा एक्विजिसन सम्बन्धि विशेष प्रस्तावलाई निरन्तरता दिने प्रस्ताव पारित गरिएको विज्ञप्तिमा उल्लेख छ।
२३ जेठ २०७३, १०।००
वि.सं.२०७३ जेठ २३ आइतवार १२:५५ मा प्रकाशित
