काठमाण्डौं । नेशनल हाइड्रोपावरका कामदारले खाइपाइआएको भत्ता कटौती गरेको भन्दै अनामनगरमा रहेको कम्पनीको केन्द्रिय कार्यालयमा ताला लगाएर अनिश्चितकालका लागि बन्द भएको घोषणा गरेका छन् ।
कम्पनीले आफूखुसि विनियमावली संसोधन गरेरे खाइपाइआएको भत्ता कटैती गरेको आरोप कामदारहरुले लगाएका छन् । यो कम्पनीले इन्द्रावती तेस्रो आयोजनाबाट सात मेगावाट विद्युत उत्पादन गर्दै आएको छ।
न्युनतम तलबको ६० प्रतिशत भत्ता दिइएकोमा अहिले कटौति गरेर ३० प्रतिशत मात्र दिइने भएकोले आफूहरुले तालाबन्दी गरेको कामदारहरुले बताए । उनीहरुले कम्पनीले बेलैमा माग सम्बोधन नगरे प्लान्ट नै बन्द गर्ने चेतावनी दिएका छन् ।
२४ जेठ २०७३, १२।३०
वि.सं.२०७३ जेठ २४ सोमवार १३:२९ मा प्रकाशित
