काठमाडौ । कोपा अमेरिका कप फुटबलको समूह चरणको अन्तिम खेलमा कोष्टारिकाले कोलम्बियालाई पराजित गरेको छ । यससँगै अमेरिका समूह एको विजेता बनेको छ भने कोलम्बिया उपविजितामा सिमित रहेको छ ।
आइतबार विहान भएको पहिलो खेलमा अमेरिकाले पाराग्वेलाई १–० ले पराजित गरेको थियो । र, यो जितसँगै उसले क्वार्टरफाइनलमा स्थान बनाएको थियो ।
दोस्रो खेलमा यसअघि नै अन्तिम ८ मा पुगेको कोलम्बिया कोष्टारिकासँग खेल्यो । सुरुको दुई खेल गुमाएर प्रतियोगिताबाट बाहिरिसकेको कोष्टारिकाले सान्त्वना जित हात पार्ने क्रममा कोलम्बियालाई ३–२ गोल अन्तरले पराजित गरेको छ ।
अब क्वार्टरफाइनलमा कोलम्बियाले बलियो टोली ब्राजिलको सामना गर्ने सम्भावना बलियो भएको छ । यसका लागि ब्राजिलले पेरुलाई हराउनु वा बराबरीमा राक्नु पर्नेछ ।
प्रकाशितः २०७३ जेठ ३०
वि.सं.२०७३ जेठ ३० आइतवार १२:४५ मा प्रकाशित