काठमाण्डौं । नेपाल धितोपत्र बोर्डले फेरि लगानीकर्तालाई सचेत हुन भन्दै नेप्से परिसूचक निकै माथि पुगेको भन्दै लगानी गर्दा विवेकपूर्ण निर्णय गर्न आग्रह गरेको छ।
बोर्डले विहीबार बजार बन्द भईसकेपछि विज्ञप्ति जारी गर्दै धितोपत्रमा गरिने लगानी जोखिम रहित नहुने भएकोले लगानीकर्तालाई सचेत हुन आग्रह गरेको हो । ‘पूँजी बजारमा सहभागी भई लगानी गर्नु लगानीकर्ताहरुको हक हो भने लगानीकर्ताहरुलाई बजार, सूचिकृत संगठित संस्थाहरु एवं अर्थतन्त्रको यर्थाथ स्थिति अवगत गराई उनीहरुको हकहितको संरक्षण गर्ने जिम्मेवारीरकर्तव्य बोर्डको हो’, बोर्डले जारी गरेको विज्ञप्तिमा उल्लेख छ ।
धितोपत्रमा गरिने लगानी जोखिमरहित नहुने हुँदा समग्रमा देशको अर्थतन्त्र, सूचीकृत संगठित संस्थाहरुको कार्य सम्पाद, वित्तीय स्थिति, लगानीकर्ता स्वयंको जोखिम वहन गर्ने क्षमता लगायतलाई हेरेर मात्रै धितोपत्रमा लगानी गर्न उपयुक्त हुने सुझाव पनि दिइएको छ ।
नेप्से परिसूचक १६३३ अंकमा पुगेपछि बोर्डले लगानीकर्तालाई फेरि सचेत गराएको हो । बोर्डले यस अघि पनि पटक पटक लगानीकर्तालाई सचेत गराउँदै आएको छ ।
३ असार २०७३, ९।००
वि.सं.२०७३ असार ३ शुक्रवार ११:०६ मा प्रकाशित
