काठमाण्डौं । नेपाल बैंकले आफ्नो स्वामित्वमा रहेको तारा गाउँ रिजेन्सी होटलको सात लाख कित्ता साधारण शेयर लिलामका लागि फेरि नयाँ सूचना निकालेको छ ।
तारा गाउँ रिजेन्सी होटलको सो सेयर प्रति कित्ता दुई सय सोह्र रुपैयाँमा नघटाई लगानीकर्ताले बोलपत्र पेश गर्न सक्नेछन् । अघिल्लो पटकको लिलामी प्रक्रिया रद्ध गराएको बैंकले प्रतिकित्ता १६ रुपैयाँ मूल्य बढाएको छ । सेयर लिलामीको लागि बैंकले सिद्धार्थ क्यापिटललाई बिक्री प्रबन्धक नियुक्ती गरेको छ । ईच्छुक आवेदकले असार २३ गतेसम्म आवेदन दिन सक्नेछन् ।
सेयर खरिदको लागि बोलपत्र कबोल गर्दा न्यूनतम सय कित्ता वा सो भन्दा माथि दशले भाग जाने गरि अधिकतम सात लाख कित्ताका लागि नै आवेदन दिन सक्ने बताइएको छ ।
३ असार २०७३, ११।००
वि.सं.२०७३ असार ३ शुक्रवार १२:४४ मा प्रकाशित
