काठमाण्डौं । नेपाल खेलकुद पत्रकार मञ्चले हरेक बर्ष गर्दै आइरहेको पल्सर स्पोर्टस अवार्ड को १२ औं संस्करण आगामी साउन ६ गते गर्ने घोषणा गरेको छ । आइतबार काठमाण्डौंमा भएको एक कार्यक्रममा मञ्चले मुख्य प्रायोजक हंशराज हुलाशचन्द एण्ड कम्पनीसँग आगामी ५ वर्षको प्रयोजन सम्झौता पनि गरेको छ ।
मञ्चले हुलाशचन्दसँग १५ लाखको सम्झौता गरेको हो । कम्पनीले सम्झौता अनुसार ३ वटा पल्सर मोटरसाइकल र बाँकी नगद प्रदान गर्नेछ । यस बर्ष अवार्डमा मञ्चले ३० लाख खर्च गर्ने बताएको छ ।
अवार्डमा उत्कृष्ट खेलाडी पुरूष, महिला र युवा, वर्षका उत्कृष्ट प्रशिक्षक, लाईफ टाईम अचिभमेन्ट अवार्ड, लोकप्रिय खेलाडी, बर्षका उत्कृष्ट पारा खेलाडी र स्पेशल अवार्ड गरि विभिन्न ८ विधामा खेलाडीहरु सम्मानित गर्ने गरिएको छ ।
वर्षका उत्कृष्ट खेलाडी पुरूष, महिला र लोकप्रिय खेलाडीले पल्सर मोटरसाईकल पाउने छन् । अन्य विधाका विजेताले नगद ५० हजार र अन्य उपहारहरू पाउने मञ्चले जनाएको छ ।
प्रकाशितः २०७३ असार ६
वि.सं.२०७३ असार ६ सोमवार १६:१२ मा प्रकाशित