काठमाण्डौं । स्थानीय विकास मन्त्रालयले भूकम्प पीडितहरुलाई अनुदान रकम छिटो वितरण गर्न गाविस सचिवहरुलाई निर्देशन दिएको छ । यसअघि निकासा भएको बजेट अपुग भए केन्द्रीय आयोजना कार्यान्वयन इकाइमार्फत माग्न पनि निर्देशन दिएको छ ।
स्थानीय विकास मन्त्रालयले अहिले प्राप्त बजेटबाट भूम्प प्रभावित परिवारहरुलाई पहिलो किस्ताका लागि दिन पुग्ने अनुदान रकम तत्काल वितरण गर्न गाविस सचिवहरुलाई निर्देशन दिएको छ । अख्तियारी बजेटले भ्याएसम्मका भूकम्प प्रभावितलाई बैंकसँग समन्वय गरी पहिलो किस्ता उपलब्ध गराउन मन्त्रालयले निर्देशन दिएको हो ।
सरकारले एक बर्षअघि नै भूकम्पबाट प्रभावित प्रति परिवार कम्तिमा २ लाख अनुदान दिने घोषणा गरेको थियो । तर, अधिकांश भूकम्प प्रभावित परिवारले अनुदान रकम पाउन सकिरहेका छैनन् ।
७ असार २०७३, ३।३०
वि.सं.२०७३ असार ७ मंगलवार १५:४३ मा प्रकाशित
