काठमाण्डौं । सिइडिबी हाइड्रोको हिजो बुधबार सम्पन्न कम्पनीको विशेष साधारण सभाले अहिले कायम रहेका संस्थापक सेयर धनीलाई हकप्रद सेयर निष्काशन गर्दै सर्वसाधारणका लागि पनि साधारण सेयर निष्काशन गर्ने भएकोछ ।
क्लिन ईनर्जी डेबलपमेन्ट बैंकले जलविद्युत आयोजना निर्माणका लागि २०६६ सालमा स्थापना गरेको सिइडिबी हाइड्रो फण्डले विशेष साधारण सभामा संचालक समितिको पूँजी वृद्धिको प्रस्ताव पारित गरेको हो ।
चुक्ता पूंजी ५८ करोड ७० लाख रुपैंया रहेको कम्पनीले विषेश साधारण सभा मार्फत संस्थापक सेयरधनीलाई हकप्रद सेयर निष्काशन गरि ७६ करोड ३१ लाख रुपैंया चुक्ता पूँजी बनाउने निर्णय गरेको हो ।
हकप्रद निष्काशन पश्चात चुक्ता पूँजी ९३ करोड नाघ्ने गरि सर्वसाधारणमा १७ करोड ६१ लाख रुपैंयाको साधारण सेयर निष्काशन गर्ने प्रस्तावलाई पनि विशेष साधारण सभाले पारित गरेको हो । साधारण सेयर निष्काशनका लागि कम्पनीले यस अघि नै एनसिएम मर्चेण्ट एण्ड बैंकिंग लिमिटेडलाई सेयर निष्काशन तथा बिक्रि प्रबन्धकमा नियुक्त गरिसकेको छ ।
९ असार २०७३, १।००
वि.सं.२०७३ असार ९ बिहीवार १३:३५ मा प्रकाशित
