काठमाण्डौं । सेयर बजारमा आज मंगलबार पनि बैंक, बीमा तथा वित्त समुहमा गिरावट आएपछि बजार करिब चार अंकले ओरालो लागेको छ भने कारोबार रकममा समेत गिरावट आएको छ । ओरालो लागेको बजारमा केही साना कम्पनीहरुको नाफा तथा कारोबारमा भने बढोत्तरी आएको छ ।
मंगलबार नेप्से ३.८ अंकले घटेर १७१३.०३ अंकमा झरेको छ । दिनभरमा बजारमा एक अर्ब २९ करोड रुपैयाँको सेयर किनबेच भयो । कारोबार रकम पनि अघिल्लो दिनको तुलनामा झण्डै २५ करोड रुपैयाँ कम हो ।
आज कारोबार धेरै हुने संस्थामा राष्ट्रिय बीमा कम्पनी अग्रस्थानमा परेको छ । यो कम्पनीको ६ करोड ६१ लाख रुपैयाँ बराबरको संस्थापक सेयर किनबेच भएको छ । सबैभन्दा बढी नाफा कमाउने कम्पनीमा पनि यही कम्पनी रहेको छ । यसको सेयरमूल्य दश प्रतिशतले बढेर १७ हजार १ सय ४१ रुपैयाँ पुगेको छ ।
२१ असार २०७३, ३.००
वि.सं.२०७३ असार २१ मंगलवार १५:५४ मा प्रकाशित