काठमाण्डौं । नेपाली कांग्रेसका महामन्त्री डा. शशांक कोइरालाको स्वास्थ्यमा सुधार आएको ओम अस्पतालले जनाएको छ ।
उपचारमा संलग्न चिकित्सकहरुका अनुसार कोइरालाको अवस्था अझै गम्भीर रहेकाले भेन्टिलेटरमै राखेर उपचार भइरहेको छ । केही सुधार आएको तर अवस्था अझै पनि जटिल नै रहेको अस्पतालले जनाएको छ ।
‘आज बिहान मान्छे चिन्ने, आखाँ खोलेर प्रतिक्रिया जनाउनेसम्मको सुधार देखिएको छ,’ उपचारमा संलग्न चिकित्सक लव नरसिंह जोशीले जानकारी दिए ।
उपचारमा संलग्न चिकित्सकका अनुसार कोइरालाको स्वास्थ्यअवस्था धेरै नै सुधार देखिएको छ। कोइरालालाई दिइँदै आएको औषधिको मात्रा पनि घटाइएको छ।
पछिल्लो स्वास्थ्यस्थितिबारे जानकारी दिँदै अस्पतालले कोइरालाको स्वास्थ्यमा सुधारका संकेत देखापरेको जनाएको छ। अस्पतालद्वारा जारी प्रेस विज्ञप्तिमा ब्लडप्रेसर सुधार छ। कोइरालाले शरीरका अंग चलाउन थालेका छन्।
प्रकाशितः २०७३ असार २३
वि.सं.२०७३ असार २३ बिहीवार १०:३७ मा प्रकाशित
