काठमाण्डौं । प्रिमियर फाइनान्सलाई एक्विजिशन गरेको सिटिजन्स बैंकले आजदेखि एककिृत कारोबार सुरु गरेको छ ।
एक्विजिशन पश्चात बैंकको चुक्ता पूंजी ३ अर्ब १० करोड पुगेको छ भने कूल निक्षेप ४८ अर्ब ८ करोड र कर्जा ४१ अर्ब ८ करोड रुपैयँँ पुगेकोे बैंकले जनाएको छ ।
बैंकको २ शाखाहरु थप भई उपत्यका भित्र २४ शाखा र उपत्यका वाहिर ३४ शाखा गरी मुलुक भर कुल ५८ शाखाहरु र ९३ वटा शाखा रहित बैंकिंङ्ग सञ्जाल बाट सेवा प्रदान गर्नेछ ।
नेपाल राष्ट्र बैंकको गत आषाढ २० गते र कम्पनी रजिष्ट्रारको कार्यालयबाट गत आषाढ २४ गते एकिकृत कारोबारको लागि स्वीकृति पाएको थियो । यस अघि बैंकले नेपाल हाउजिंग एंड मर्चेन्ट फाइनान्स र पिपुल्स फाइनान्सलाई पनि आफूमा गाभेको थियो ।
२ साउन २०७३, ९।००
वि.सं.२०७३ साउन २ आइतवार ११:५७ मा प्रकाशित
