काठमाण्डौं । मौद्रिक नीति सार्वजनिक भएपछि भएको सेयर कारोबार भएको पहिलो दिन वाणिज्य बैंक समूहले बजार उचालेको छ । समग्रमा २७ अंकले बढेको सेयर सूचकमा आज वाणिज्य बैंकको मात्र ५० अंकले सूचक बढेको छ ।
आज कारोबार अवधिभर अधिकांस बाणिज्य बैंकका लगानीकर्ताले कमाए । त्यस्तै उत्पादनमुलक समूह, अन्य समूह र फाइनान्स समूहका लगानीकर्ताले कमाएका छन् । जलविद्यूत लगानी तथा विकास कम्पनी (एचआईडिसिएल)को सेयर मुल्य पनि बढेकोछ । आज बाणिज्य बैंक समूहको मात्रै ६७ करोड ६८ लाख रुपैयाँको सेयर किनबेच भएको छ ।
आजबाट सेयर बजारमा एक घण्टा कारोबार समय थपिएको छ । दिनभरमा एक अर्ब ३६ करोड २८ लाख रुपैयाँको सेयर किनबेच भएकोछ ।
२ साउन २०७३, ३।३०
वि.सं.२०७३ साउन २ आइतवार १६:२१ मा प्रकाशित
