भारतीय अभिनेता रजनीकान्तको शुक्रबारबाट ‘कबाली’ नामक चलचित्र प्रदर्शनमा आउन लागेकोछ । संसारभर एकसाथ प्रदर्शनमा आउन लागेको यस चलचित्रका लागि फ्यानहरुले आफ्नो क्रेज देखाउन थालेका छन् ।
१२ हजार भारुको टिकट काटेर एक राज्यबाट अर्को राज्यमा गएर ‘कबाली’ हेर्न लागेको समाचार पहिले नै प्रकाशित भइसकेको छ । यस्तै अमेरिकामा पनि रजनीकान्तका फ्यानहरुले उनको क्रेज जस्ताको तस्तै रहेको देखाएका छन् । शुक्रबार प्रदर्शन हुने चलचित्रका लागि अमेरिकामा टिकट बुकिङ खुल्ला भएको २ घण्टामा नै सबै टिकट बिक्री भएको भारतीय संचारमाध्यमले जनाएका छन्।
फिल्म भारतका करिब ४ सय हलमा एकैसाथ रिलिज हुँदैंछ। शुक्रबार रिलिज हुने ‘कबाली’ रजनीकान्तको चालिस वर्ष लामो फिल्म करियरको १५९ फिल्म हो। ‘कबाली’मा उनी मलेसियामा बस्ने तमिलहरूको भलाइमा काम गर्ने डनको भूमिकामा रहेका छन्। फिल्मी हिन्दीका साथमा मलाया भाषामा पनि रिलिज हुँदैछ।
३ साउन २०७३, १०।००
वि.सं.२०७३ साउन ३ सोमवार ११:४४ मा प्रकाशित