काठमाण्डौं । आज बिमा र वाणिज्य बैंकमा लगानीकर्ताहरु उर्लिएपछि सेयर बजार ४०.८३ अंकले बढ्न पुगेकोछ । मौद्रिक नीतिपछि चम्किन थालेको बाणिज्य बैंकको सूचक ४०।७९ अंकले उक्लिएको छ भने इन्स्योरेन्स कम्पनीको सूचकले इतिहास बनाएकोछ । आज एकै दिन ६ सय १८ अंकले बिमाको सूचक उक्लिएपछि बजार ४०.८३ अंकले माथि पुगेकोछ ।
आज मात्र कुल ८७ करोड ३९ लाख रुपैयाँको बाणिज्य बैंकहरुको सेयर किनबेच भएको छ । बजारमा दिनभरीमा एक अर्ब ९५ करोड ४१ लाख रुपैयाँको किनबेच भएको छ ।
यसका साथै, बिमा कम्पनीहरुमा पनि एफपिओ जारी गर्ने लहर चलेकाले सूचकलाई माथि पुर्याएको हो । आज सेयर बजारमा कमाउनेहरुमा बिमा र बैंकका लगानीकर्ताहरु रहेका छन् ।
बीमा समितिबाट पारित भई अर्थमन्त्रालयमा पठाएको बीमा ऐनको नयाँ मस्यौदालाई अर्थमन्त्रालयले स्वीकृत गरेको हल्ला बजारमा फैलिएपछि सोमबार नेप्सेमा बीमा कम्पनीहरुको सेयरमूल्यमा उछाल आएको हो ।
३ साउन २०७३, ४।००
वि.सं.२०७३ साउन ३ सोमवार १७:११ मा प्रकाशित