काठमाण्डौं । राजधानीको केन्द्रका रुपमा रहेको रत्नपार्कले एक वर्षको अवधिमा करिब ८५ लाख २२ हजार आम्दानी गर्न सफल भएकोछ । अघिल्लो आवको असार महिनादेखि केही थप व्यवस्थापनका साथ सर्वसाधारणका लागि खुला गरिएको रत्नपार्कबाट एक वर्षमा रु ८५ लाख २१ हजार ६ सय ६७ रुपैयाँ आम्दानी भएकोछ ।
कामपा, रत्नपार्क तथा रानीपोखरी एकाइका प्रमुख हरिशरण केसीले एक वर्षका अवधिमा तीन लाख २९ हजार ६ सय २३ जनाले रत्नपार्कको अवलोकन गरेको जानकारी दिएका छन् । अवलोकनकर्ताबाट प्रवेश शुल्कस्वरुप लिइएको रकम नै आम्दानी हो ।
अवलोकनकर्ताले उद्यानभित्र नै खाजाघरको माग गरेपछि अबको केही दिनभित्रै सो पनि घर बन्ने निश्चित भएको छ । अवलोकनकर्ताको सुविधालाई ध्यानमा राख्दै गत वर्ष चैत ५ गतेदेखि निःशुल्क इन्टरनेट सुविधा पनि दिइएको छ । रत्नपार्क प्रवेशका लागि विद्यार्थीका लागि रु १५ र अन्य व्यक्तिका लागि रु २५ प्रवेश शुल्क तोकिएको छ ।
४ साउन २०७३, १२।००
वि.सं.२०७३ साउन ४ मंगलवार १३:१३ मा प्रकाशित